www.ListenMp3.ucoz.ru - Eng so'nggi mp3 va kliplar

Американинг Apple компанияси дунёнинг энг 500та энг қиммат брендлари рўйҳатида биринчи ўринни эгаллади.

Apple брендининг нархи $87,3 млрд.га баҳоланган. BrandFinance (BF) консалтинг компаниясининг ушбу рейтингининг иккинчи поғонасига жанубий Кореянинг Samsung компанияси жойлашган. Унинг баҳоси $58,77 млрд.га баҳоланди. Бир йил давомида америка компанияси ўзига тегишли биринчи ўринни сақлаб қолган бўлса, корейслар 6 - ўриндан 2 -ўринга кўтарилиб олди ва машҳур Google ($52,13 млрд.) компаниясини ортда қолдирган.
Эътиборли томони шундаки, энг қиммат брендлар ўнталигининг 9 таси айнан АҚШ компанияларига тегишли. Улар орасида Microsoft ва Wallmart, IBM ва GE, Amazon, Coca-Cola ва Verizon каби компаниялар бор.
Рўйҳатга шунингдек Россиянинг олтита компанияси "Сбербанк” ($14,16), «Газпром» ($8,3 млрд), «Лукойл» ($5,1 млрд), «Билайн» ($4,8 млрд), «Роснефть» ($4,4 млрд), «Магнит» ($3,4 млрд), МТС ($3,3 млрд) ҳамда «Мегафон» ($2,8 млрд) киритилган.
Энг қиммат Япония бренди Toyota ($25,97 млрд, 15-ўрин) бўлди. Германиядан эса Volkswagen ($23,66 млрд, 17-рин), BMW ($23,3 млрд, 21-ўрин) ва Mercedes-Benz ($20,3 млрд, 28-ўрин) киритилган.