www.ListenMp3.ucoz.ru - Eng so'nggi mp3 va kliplar

"Фурсатдан фойдаланиб қолган қарама-қарши кучлар бўлиб ўтган ишларни менинг номим билан боғлашга уриндилар".

Гулнора Каримованинг шу сўзлари билан бошланган интервью Швецариядаги "Билан” нуфузли молиявий журнали томонидан чоп этилди. Ҳайратимни яширмаган ҳолда бу мақолани янада тўлдириш жоизлигини зарур деб билиб, ҳақиқатни янада ойдинлашишини хоҳлаган журналист сифатида қоғоз қораладим.

Мақоланинг аввалида ёзилишича, бундан анча йиллар илгари испан журналларининг бирида Гулнора Каримова малика Диана, Сара Палин, Жеймс Бонднинг қизлари сингари бир қатор таниқли аёлларга қиёслангани ва бу унинг фазилатларига ҳали тўлиқ таъриф эмаслиги ёзилган эди. Yandex ва Google қидирувларида у Марказий Осиёда 2012 йилнинг энг машҳур инсонлари рўйхатининг бошида турибди. Ҳақиқатда икки фарзанднинг онаси, ўзининг 40 ёшида кўп қиррали ҳаёт йўлини босиб ўтган бу аёлни мен ўз қарашимда Нодирабегим, Увайсий, Тўмарисдек мард, саховатпеша, доно ва заковатли аёлларга қиёслагим келади. Ўзбекистоннинг Испаниядаги собиқ элчиси, БМТ нинг Женевадаги доимий вакили, шунингдек заргарлик буюмлари тўпламлари муаллифи, Гугуша тахаллуси билан юрак торларини чертувчи ижод намуналари эгаси у дейилган жумлалар бор мақола дебочасида.

Унинг раҳнамолигида фаолият кўрсатаётган турли хайрия ташкилотлари, миллионлаб инсонлар тақдири билан боғлиқ бўлган лойиҳалар, буларнинг бари бир аёл уддалаши мумкин бўлмаган, юқорида айтганимдек кўп қиррали ҳаёт йўлидир. Бадавлат, гўзал, ақлли бу хоним бугун ёш кизларнинг орзуидаги аёл сиймосига айланди десам адашмайман. Аммо тиниқ сувни лойқалатиш осон...Ўтган йили ана шу тиниқ сувни яна бир лойқалашга қаракат қилдилар.

Швецария оммавий ахборот воситалари учун Ўзбекистон "кунда шунда" мавзуга айланди, дегандай маънони англатувчи жумла ўша шов-шувга сабаб бўлган иш ҳақида сўзни очиб беради. Швецария прократураси Ўзбекистонликларга қарашли юз миллионлаб франкларини музлатиб қўйди. Бу иш яхши ўрнашган ниҳолдай шохлаб кетди. Telia Sonera мобил операторининг Ўзбекистон бозорига кириб олиш мақсади борлиги ҳақидаги шубҳаларга ойдинлик киритиш ҳаракатида бўлган "Билан” нашриёти Гулнора Каримовага ўз саволлари билан мурожаат қилди. Яна мақолани келган жойидан давом эттирсак, қалтис саволларга аниқ жавобларни эшитамиз.Биринчи савол қуйидагича эди.
Билан: Россия МТС мобил компниясининг Ўзбекистондаги бош директори Бекзод Аҳмедовнинг номи халқаро интерпол қидируви рўйхатига тушгач, Швейцария ҳуқуқ-тартибот органлари миллионлаб ўзбек франкларини музлатиб қўйди. Ўша иш юзасидан тергов ҳужжатлари зикр этилганда барча бўлиб ўтган ишлар сизнинг номингиз билан боғлиқ бўлганлиги ҳақидаги маълумотлар тарқалган. Бу масала бўйича сизнинг нуқтаи назарингиз?!


Г.К. Мен бу масала юзасидан узоқ вақт гапиришни хоҳламай юрдим. Аммо бу ишга ойдинлик киритиш вақти келди деб ўйлайман. Ҳаммаси солиқ қўмитасининг 2011 йилда МТС фаолиятини навбатдаги уюштирилган текширувидан бошланди. Ва натижада ушбу мобил операторининг кўпгина қонун талабларини бузганлиги матбуотда очиб ташланди. Ана шу кундан буён ҳайратга солувчи воқеалар кетма-кетлигининг гувоҳи бўляпман.

МТС - бу жудаям кескин сиёсат олиб борадиган йирик компания. Унинг бир қолипда турмайдиган тажрибасини Қирғизистон, Туркманистон ва Ҳиндистон мисолида кўриш мумкин эди. МТСнинг бу тижорат урушига Ўзбекистон ҳам рўпара бўлди.
Бекзод Ахмедовни жуда кўп йиллардан буён биламан. Бу даврлар мобайнида унинг ота-онаси ва опасини хам яқиндан таниганман. Худди мана шу танишув Тошкентда унинг мушугини ҳеч ким "пишт"- дея олмайдиган даражага олиб келди. Мана шу обрў уни мамлакат иқтисодидаги майдонда ўз мавқеига эга бўлган инсон сифатида гавдаланишига йўл очиб берди. Бузоқнинг югургани сомонхонагача дегандаридек, ҳаммаси чипакка чиқди. Боиси, у ғирромлик йўлига ўтган эди. Маълум бўлишича, махсус биллинг дастуридан фойдаланиб, абонентлар ҳисобидан пул ечиб олишни бошлаган. Компаниянинг муаммоларини ечиш жараёнида шунга амин бўлдимки, Бекзод Аҳмедовнинг Ўзбекистондан қочиб чиқиб кетиш сабабларининг илдизи жуда чуқур. Бу иш Москвада, Швейцария ва Швецияда овоза бўлди. Фурсатдан фойдаланиб қолган қарама-қарши кучлар бўлиб ўтган ишларни менинг номим билан боғлашга уриндилар.

Telia Soneraнинг собиқ менежерлари e-mail ларида иккита вариант бўлгани, гўёки улар синглим билан учрашиб, ҳамкорлик қилишга келишиб олишгани ёҳуд Бекзод менинг вакилим бўлиб, улар билан музокара қилгани ва шу сабаб Ўзбекистон бозорига кириб келишгани кўрсатилади. Бу ҳужум менга нисбатан уюштирилган зарбаларнинг биринчиси эмас эди. Мен ҳаётим давомида кўп тўфонлару чақинларга дуч келдим ва ҳар сафар бу талофатлардан менинг дўстларим ва яқинларим ҳам азият чекишади.


Гулноранинг аянчли сўзлари муносабатга бориб қадалгани яна мени ҳайратга солди. У бошига тушган ишлардан яқинлари изтиробда қолаётганидан ташвишда. Атрофдагиларнинг хотиржамлигини ўйлаш .. .Билиб-билмай, тушуниб тушунмай ҳар хил миш-мишлар билан ўз бошларини қотириб юрганлар бўлса, ҳеч тўхтамай мақолани охиригача ўқисинлар.

Навбатдаги савол қуйидагича тус олган эди:

Билан: Ҳуқуқ-тартибот органлари кўпроқ Бекзод Аҳмедов билан қизиқишган. Чунки, кўпчилик уни сизнинг ишончли вакилингиз деб билган. Telia Soneraнинг Ўзбекистонга кириб келишида сизнинг ролингиз борми?


Г.К.: Кўпчиликни ўйлантирган савол мени ҳам ўйлантиради. Ўзбекистон прократураси сайтида МТС компанияси линияси оркали бизга олиб кирилган телекоммуникацион жиҳозлар нархи 50 баробарга оширилиб ёзилган. Ҳайрон қоласан киши. Бекзод Ўзбекистонда жуда кўп нуфузли одамлар билан ишлаган. Тўғри бу инсонлар ошкораликни ёмон кўришади, лекин улар ўзларига яраша улкан имкониятларга эга инсонлар. Улар ҳам бу воқеани кўриб, бир вақтнинг ўзида МТС нинг бош директори бўла туриб, яна ақлбовар қилмас қинғирликларга қандай улгурган экан, - деб ҳайратдалар. Яна шу давр мобайнида Бекзод улар билан ошна-оғайниликни ҳам ўз ўрнига қўйган. Яна мени таажжубга солган нарса centrasia.ru,(http://www.centrasia.ru/newsA.php?st=1344122880) news.ivest.kz ва maxala.org сайтларида чоп этилган мақолалардаги маълумот прократура материаллари билан мос келган. Буни қандай тушуниш керак.

Мен бу иш борасидаги ҳақиқат юзага чиқиши учун ички ҳужжатларни кўришни хоҳлайман. Mannheimer Swartling швед адвокатлар жамоасининг мустақил текшируви бундай ҳужжатларни топа олмаган. Мен умуман Telia Sonera вакиллари билан учрашмаган, гаплашмаганман. Вакиллар орқали музокара қилишни эса ҳеч қачон маъқулламаганман. Тажрибам шуни кўрсатадики, бу албатта муаммо келтириб чиқаради. Шу боис мен бир ишни бошласам вакиллар билан эмас эгаси билан гаплашаман. Яна бир нарсага ҳечам тушунмайман. Қандай қилиб Telia Sonera Бекзод билан шартнома тузиши, тил топишиши мумкин. Ахир у уша пайтда МТС нинг бош директори лавозимида эдику?!

Бекзод бир эмас икки жойдан - Москвадан ва Тошкентдан маош олар эди. Ундан ташқари Москвада 15 млн доллар микдоридаги кўчмас мулки бор эди. Менинг фикрим, Telia Sonera билан тузилган ўша шартнома МТС билан келишилган ҳолда тузилиши керак эди. Бу хато ҳеч қайси тижорат қонунига тўғри келмайди. Соscom ни сотиб олиш билан Telia Sonera нафақат Ўзбекистонга балки Афғонистон ва Тожикистонга жойлашиб олди. Ажабланарлиси шундаки, бунда барча айблов фақат Ўзбекистон бозорига қаратилди. 2012 йилнинг кузида Бекзоднинг кирдикорларидан яна бири ошкор бўлди. У жуда катта миқдордаги пулларни доимий шу иш билан шуғулланиб юрганлар ёрдамида нақд пулга айлантирган. Афсус Бекзоднинг қанчалар серқирра истеъдот эгаси эканини билмаган эканман.

Шу ўринда Гулнора Каримованинг фикрларини халқимиздан қолган бир ҳикмат билан давом эттирмокчиман. Ишонган тоғингда кийик ётмайди.

Билан нашриётининг сўнги саволи Швейцария билан боғлиқ бўлди.

Билан: Сиз Швейцарияда бизнес юритишга қизиққанмисиз?


Г.К.: Мен ҳеч қачон Швейцарияда бизнес олиб бориш ҳақида ўйламаганман. Чунки, менинг дипломатик мақомим бунга йўл қўймайди. Агар мен 6 йил Швейцарияда ишлаган пайтимда бизнес билан шуғулланган бўлганимда нафақат Швейцария ҳуқуқ- тартибот органлари балки БMТ ҳам буни муҳокама қилган бўлар эди. МТС туфайли менинг ҳаётимда вужудга келган муаммолар яна бир қатор йирик ташкилотлар фаолиятида ҳам менга юзма-юз келди. Қанча тошлар отилди. Мен мана шу иғво ва туҳматлар учун уларни судга беришим мумкин эди. Аммо яна бир бор мақомим бунга йўл қўймади. Айтадилар-ку, яратганнинг ўзи чевар.

Ҳар ким қилганига яраша жавоб бераверади. Лекин Швейцарияда чоп этиладиган бир қатор газеталардан барча айбловлар учун даҳлим йўқлиги борасидаги жавобни чоп этилишига эришдим.

Шу уринда "Мевали дарахтга тош отадилар" деган ҳикматни қўллаш жоиз деб ўйлайман. Наҳотки, баъзи инсонлар бу келиб-кетмоқ дунёда тубанликни ўзларига шиор тутса. Яна ўз қилмишлари учун бировлардан айб қидирса?! Бугун Ўзбекистоннинг энг йирик жамоат ташкилотларидан бирига айланиб улгурган Фонд Форумнинг асосчиси Гулнора Каримовани қўллаб- қувватлаган 7 млн халқ бундай инсонларга нафрат кўзи билан қараб турибдилар. Ахир юрак тафти билан бир-бирига яқин бўлган инсонларнинг дарди ҳам яқин бўлади-да... Лекин шуни аниқ биламанки, кетма-кет келган бу зарбалар Гулноранинг иродасини бука олмайди. Чунки, унда Тўмарисдек момоларнинг қони бор. Янаям тўғрироғи адолатнинг, шижоатнинг, ақлу заковатнинг тимсолига айланган отанинг қизи у!!!