www.ListenMp3.ucoz.ru - Eng so'nggi mp3 va kliplar

LG Ultra HD имкониятига эга биринчи видео маълумотларни симсиз жўнатиш технологиясини намойиш қилди.
LG Electronics (LG) компанияси Барселонада бўлиб ўтган Mobile World Congress (MWC) 2013 анжуманида илк бор ўзининг етакчи Wireless Ultra High Definition (UltraHD) Transmission технологиясини тақдим этди.
Мазкур янги авлод мобил технологияси смартфондаги ўйин ва бошқа контентларни телевизор экранларида Ultra HD орқали симсиз узатиш тизими ёрдамида томоша қилиш имконини беради.

"Wireless Ultra HD Transmission инновацион технологияси ёрдамида фойдаланувчилар севимли мобил контентларидан Ultra HD имкониятига эга энг илғор замонавий телевизорлар орқали баҳраманд бўлишлари мумкин", - дейди "LG Electronics Mobile Communications" компанияси Президенти ҳамда бош директори доктор Чонг-Сеок Пак. - Техникада ўзига хос инқилоб қилган LG компанияси соҳада ўз пешқадамлигини яна бир карра исботлади.

Wireless Ultra HD Transmission технологияси смартфон мультимедиа контентларини телевизорларга аввалги мобил технологияларга қараганда янада тез ва равон ўтишини таъминлайди. Янги авлод LG мобил технологияси ушбу вазифани тўхташларсиз ва маълумотларни йўқотишларсиз WiFi тизимини ишлатган ҳолда амалга ошириш имконини беради.

Мультимедиа контентини узатиш чоғида у автоматик равишда телевизор имкониятига мослашади, бу эса тасвирни бенуқсон кўрсатишни таъминлайди.
Бундан ташқари LG Wireless Ultra HD Transmission тизими аввалги маълумот узатиш технологияларидан фарқли ўлароқ иккикарра кам қувват сарфлайди.
Бунга смартфоннинг марказий процессор ва бошқа ускуна таркибий қисмига тушаётган юкнинг камайиши ёрдамида эришилади.