www.ListenMp3.ucoz.ru - Eng so'nggi mp3 va kliplar

Бир неча йил аввал сафимизни тарк этган машҳур "поп қироли” Майкл Жексоннинг катта ўғли Шаҳзода Майкл Жозеф Жексон Entertainment Tonight (ET) телеканалида илк марта ўзини мухбир сифатида синаб кўрди. Бу ҳақда CNN хабар тарқатди. 16 ёшли Жозеф Жексон журналистика курсларини тамомлаган. У жорий йилда намойиш этиладиган америкалик ёзувчи Лаймен Фрэнк Баум қаламига мансуб "Оз мамлакатидан келган ажабтовур сеҳргар” номли машҳур эртаги асосида олинган анимацион фильм мавзуида ўзининг биринчи интервьюсини тайёрлади. "Поп қироли” катта ўғлининг интервьюси шу ҳафтада ET канали орқали бир неча марта эфирга узатилади. Эслатиб ўтамиз, Шаҳзода Жексон Майкл Жексоннинг катта ўғли бўлиб, у отасининг хотирасига бағишланган тадбирларни ҳисобга олмаганда, омма орасида жуда кам кўриниш берарди. Ёш Жексонга тележурналистика сабоқларидан дарс берган, телеканал вакили Брук Андерсоннинг сўзларига кўра, болакай таниқли продюсер, сценарист ва актёр бўлишни истайди. У ўз отаси каби қўшиқ куйлашни ва рақсга тушишни эплай олмаслигини тан олган. Жексонлар оиласи адвокатининг таъкидлашича, Жозеф Жексон вояга етганида отаси томонидан қолдирилган мероснинг бир қисмига эга бўлишига қарамай, ўз ҳаётий эҳтиёжлари учун ўзи пул ишлаб топиш ниятида.