www.ListenMp3.ucoz.ru - Eng so'nggi mp3 va kliplar

Бирлашган Араб Амирликларининг Дубай шаҳрида бўлиб ўтаётган мудофаа кўргазмасида Jet pack мосламаси намойиш этилди.
Ушбу кашфиёт келажакда хавфсизликни таъминлаш ва фавқулодда ҳодисалар ва қутқарув жараёнларида қўл келиши мумкин.
Мослама яратувчиси Martin Aircraft компанияси кўргазмага ташриф буюрганларга ундан фойдаланиб кўришни тавсия қилмоқда. Ушбу мосламани яратишга 10 йил сарфланди, унинг нархи £ 65,640 фунт стерлинг миқдорида бахоланмоқда. Jet packs соатига 100 км/с тезликда уча олади ва 15000 метр баландликка кўтарила олади. Шунингдек, мослама парашют билан жиҳозланган.
Бу учар мослама, фантастик филмлардаги ғояларнинг вақти келиб амалга ошишига яна бир исботи бўлди. Зеро, бугун оддий техникаларга айланган автомобиль, самолёт, кема, уяли телефон, ракета, телевизор кабиларни бир пайтлар одамлар фақат хаёлларида тасаввур қилишган. Кўриб турибсизки, улар бугун кундалик хаётимизнинг бир бўлаги бўлиб қолди. Машҳур ўзбек фантастик филми, халқаро танловлар совриндори "Абдуллажон" картинасида ўзга сайёрадан келган болакайнинг сехри билан оддий кетмонларда учиш мумкин бўлади. Бу эса қишлоқ ахлига жуда қўл келади. Агар юқорида номи келтирилган учар асбоб вақти келиб оммалашиб кетса, унга ўзбеклар асос солган деб, фахрланиб юрсак ажабмас.