www.ListenMp3.ucoz.ru - Eng so'nggi mp3 va kliplar

RSS
Главная » Статьи » Hikoyalar » Hayotiy Hikoyalar
Ayyor qiz !!!

"Ҳаво намунча совуқ бўлмаса... Уфф, шунчаям куттирадими?! Уйга бориб олай, ойимга ҳам, уларга ҳам шу қилганлари учун уч кун аразламасамми?! Бўлди. Сабрим тугади. Кетдим!”


Момиқ ёқали оқ пальто кийиб олган, оппоқ юзлари совуқдан лола рангини олган Фарзона қошларини чимириб, ўзига-ўзи гапирганча кетиб борарди. Қўлқоп ҳам кийиб олмагани учун қўллари музлаб қолган эди. Шу сабаб, дам-бадам қўлларини чўнтагидан чиқариб, нафаси билан иситишга уринар, бир иш чиқишига ишонмай, яна чўнтагига соларди.

Шу пайт қор қоплаган қатнов йўлидан секин-аста "одимлаб” келаётган қора рангли автоуловга кўзи тушди. Бир қарашда машина қорда секинлаб келаётгандек кўринса-да, унинг изидан келаётганини қиз сезиб турарди. Этигини қордан тозаламоқчидек бирров эгилиб, машина томонга кўз ташлади. У кутгандек, машина ҳам тўхтади. Фарзона эса қаддини ростлади-ю, тўғри машина томонга қадам ташлади. Машина эгаси қиз у томонга келаётганини кўриб, ойнани туширди.

– Вокзал томонга кетяпсизми? - Фарзона йигитга юзланди.

– Ўтиринг...

Фарзона орқа эшикни очиб, машинага чиқди. Рулда ўтирган ҳайдовчига бир назар ташлади-ю, кейин бояги араз кайфияти билан дераза оша кўчага қараб кетаверди.

* * *
– Ойи, қишни ўртасида шартмиди, шу?!

– Мен нима қилай, қизим, улар шуни исташяпти. Агар бир-бирингизга маъқул бўлсангиз...

– Ҳали қиш охирламай тўйни ҳам бошларсиз?!

– Ҳа, нима қипти?! Ҳаммаёқ оппоқ қор... Осмондан сеҳрли қорпарчалар ёғилади. Романтика... – суҳбатга синглиси Шахина аралашди.

– Э, бор-э, ўша романтиканг билан! Агар шу "қизиқиш”ларинг бўлмаганда, университетни мен билан бирга битирган бўлардинг, тушундингми? Таътилдан унумли фойдалангин-да, бор дарсингни қил!

– Энди барибирам шу "романтика”га қизиқяпсиз-ку! Ҳар ҳолда, ўтга куни ишдан қайтишда сизни уйга ташлаб қўйган йигит ҳамкасбингиз эмасдир...

– Ҳалиям шу ерда турибсанми? - Фарзона дивандаги ёстиқчани олиб, синглисига қараб ирғитди. Шахина эшикдан чиқиб кетишга улгурди. Кейин Фарзона ҳам "суҳбат тугади” дегандек бир хўрсиниб, ўрнидан турди. Эшикка яқинлашиб, ерда ётган ёстиқчани олди, диван устига тўғрилаб қўяётиб, ойисининг савол назари билан унга боқиб турган нигоҳларига дуч келди. "Ҳеч гап йўқ!” дегандек, ҳиссизгина қараб қўйди.

* * *
– Шунчаям куттирадими?! Музлаб қолдим ахир! Шартмиди шу қорли кунда учрашиш?!

– Кечир, Фарзона! Кўчалар роса музлаган, машинада юриш қийин... Шунга бироз ушланиб қолдим...

– Бироз ушланиб қолдим эмиш! Мен эса сизни нақ ўн беш дақиқа кинотеатр олдида кутибман-а! Камига ким-кимлар гап ташлаб ўтишмади! – қиз ғунча лабларини чўччайтирди.

– Ким экан ўша сенга гап отган?! Ҳозир бориб...

– Ўзингизни босинг-е! Ундан кўра айтинг-чи, ҳозир нима қилмоқчисиз?

Йигит кўзгу ичидан қизга бир қараб олди.

– Ҳозирми..? Кино аллақачон бошланди, улгурмаймиз бари бир. Кейинги сеансгача бирорта ресторанга бориб, тушлик қила қоламиз...

–Яхши, – Фарзона йигитнинг ёнидаги ўриндиқда турган гулдастага қараб қўйди.
 – Қайсига олиб борасиз?

– "Европа” деган янги ресторан очилибди. Ўша ёққа... – йигит қизнинг фикрини билиш учун яна унга қаради. Нигоҳи қизнинг нигоҳига эргашиб, ёнидаги ўриндиқда турган гулдастани кўрди. – Гап билан бўлиб, беришни унутибман, бу сенга!

– Раҳмат. Чиройли экан... – қиз атай кўзларини юмиб, гулларни ҳидлаб кўрди.

– Сенчалик эмас!

– Азиз ака... Уйдагилар... Билишмайди ҳалиям... Ўша йигит сиз эканлигингизни... Айтолмадим...

– Қўявер, тўйдан кейин билиб олишади! Ҳали бу кунларни соғиниб, кулиб эслаймиз. Бу ҳам бир давр-да!

– Кейинчалик билиб қолишса-чи?

– Қайтанга сен кўнглингни очмаганинг, ориятни устун қўйганинг учун улар олдида қадринг янада юксалади!

– Шахина бир куни мени олиб келиб қўйганингизни кўрган экан... У сизлигингизни билса, аниқ айёрлик қилганга ўхшаб қоламан...

– Айёргинам, ресторанга етиб келдик! Юр, тамадди қилиб олайлик. Уйдагиларга кейин яхшилаб тушунтирамиз. Тўғрисини айтамиз!

– Нимани?

– Сенга маъқул бўлганимни. Ахир мени танимайсан-ку! – йигит кўча томонга ишора қилди. Фарзона ҳам сал нарироқда бир-икки ҳамкасблари билан мактабдан чиқиб келаётган ойисини кўрди.

– Ҳа, ростдан... Сизни танимайман... Лекин ҳали менга маъқул бўлишга улгурмадингиз. Ҳали эрта!

Икковлари бараварига кулиб юборишди.
Manba: www.ListenMp3.ucoz.ru sayti

Категория: Hayotiy Hikoyalar | Добавил: Admin(Ravshon) (26.02.2013)
Просмотров: 1328 | Теги: hayotiy, AYRILIQ, Ayyor, Hayotiy Hikoyalar, Hikoyalar, Qiz | Рейтинг: 0.0/0
Hamma izohlar: 0
able">
Ismingiz *:
Email:
Kod *:

Bo'limlar
Sevgi Hikoyalar [16]
Hayotiy Hikoyalar [22]
Kulgili voqealar [1]
Savollarimiz
Sizning yoshingiz?
[ Natija · Baholar arxivi ]
Hamma javoblar: 136
Kalendar
Malumotlar arxivi
Hisoblagich
Online hammasi: 1
Mexmon: 1
Foydalanuvchi(Admin): 0

TOP MP3

Copyright © 2025 Powered by Ravshon

Design by Ravshon

Хостинг от uCoz